Relatoriu Final Programa Database Nasionál ba Projetu Humanitaria no Dezenvolvimentu Komunidade Periódu Janeiru 2012 – Juñu 2012
I. Introdusaun
Belun serbisu hamutuk ho Sentru ba Resolusaun Konflitu Internasionais (CICR) iha Universidade Columbia ho rede serbisu hamutuk Fundasaun Alola no FONGTIL ba Dezenvolve Database Nasionál Projetu Humanitaria no Dezenvolvimentu Komunidade. Database nasionál hari’i iha fulan Maiu tinan 2002. Database nasionál nu’udar fontes informasaun kona-ba asesu informasaun ba atividade dezenvolvimentu komunidade no asistensia humanitariu. Database nasionál ho rekoilha informasaun husi organizasaun ne’ebé eziste no hala’o kna’ar ba kontribui dezenvolvimentu iha Timor-Leste liu husi desimina no sensibiliza informasaun database nasionál atu hatene konaba mudansa ba dezenvolvimentu ne’ebe lao hela iha rai laran no atu hatene diak liu tan ba saida deit mak organizasaun sosiedade sivíl, ajensia dezenvolvimentu seluk implementa iha Timor-Leste. Nomos kria relasaun no liña kordenasaun ne’ebe diak no forte entre rede servisu hamutuk ho parseirus ba projetu dezenvolvimentu komunidade no ofereseapoiu ba instituisaun guvernu no organizasaun sosiedade sivíl hodi kria programa ne’ebe diak tuir planu estratejiku dezenvolvimentu nasionál. Informasaun database mos atu antisipa duplikasaun iha implementasaun projetu husi saida mak programa guvernu no organizasaun sosiedade sivíl, ajensia dezenvolvimetu bilateral no nasaun unidus halao ona, katak saida mak iha ona presiza kria rede kordenasaun no komunikasaun hodi iha kontinuasaun ba atividades hodi sai sustentavel iha futuru.
Rede serbisu hamutuk nia apoiu ba programa ne’e mak sei rezulta informasaun ho diak no kualidade bazeia ba mehi bo’ot ne’ebé database iha katak Ema hotu bele asesu informasaun ba dezenvolvimentu nasionál ho diak hodi kria liña koordenasaun no komunikasaun diak ba dezenvolvimentu nasionál.
